Kim Çen Indan KRİTİK ÇAĞIRIŞ: Müharibəyə hazır olun

Şimali Koreya lideri Kim Çen In Koreya ordusunun zabitlərini müharibəyə hazırlaşmağa çağırıb.

Publika.az xəbər verir ki, bu barədə KCNA xəbər agentliyi məlumat yayıb.

Şimali Koreya lideri zabitlərin iclasında çıxış edərək, ağır beynəlxalq vəziyyətdən danışıb.

Kim Çen In vurğulayıb ki, hazırda ABŞ və Qərb Rusiyaya qarşı müharibə aparır. Və bu döyüşdə “zərbə qüvvəsi” Ukraynadır. O, həmçinin hesab edir ki, yaxın gələcəkdə amerikalılar Cənubi Koreyanın köməyi ilə KXDR-ə hücuma hazır olacaqlar. Onun fikrincə, hazırda Koreya yarımadasında vəziyyət maksimum gərginliyə çatıb.

Şimali Koreya lideri zabitlərin diqqətinə çatdırıb ki, onlar batalyonların təliminə “ürəklərini və canlarını sərf etməlidirlər”. Beləliklə, Silahlı Qüvvələr tam döyüş hazırlığı vəziyyətində olacaq və istənilən tapşırıqları yerinə yetirə biləcək.