Qara çörəklə bağlı QARA XƏBƏR: Təhlükəlidir

Qara çörək daha sağlam hesab edilir, lakin bu həmişə belə deyil. Buna görə məhsul almazdan əvvəl etiketi oxumağınızdan əmin olun.

Lent.az-ın xarici mediaya istinadən məlmatına görə, qidalanma mütəxəssisi Maykl Mosli 2-ci tip şəkərli diabet xəstələrini qara çörəyin nəzarətsiz istehlakına qarşı xəbərdarlıq edir, çünki bu, qan şəkəri səviyyələrində arzuolunmaz sıçrayışlara səbəb ola bilər.

Onun sözlərinə görə, bütün qara çörək həqiqətən sağlam deyil: mağazalarda təqdim olunan növlərin əksəriyyəti faydalı xüsusiyyətləri təqlid etmək üçün rənglənmiş ağ çörək ola bilər. Tez-tez bu cür çörək, qlisemik indeksini artıran əlavələr və ləzzət artırıcıları ehtiva edir.

Ekspert çörək və çörək məhsullarını orijinal qablaşdırmada almağı və istehlak etməzdən əvvəl tərkibini diqqətlə öyrənməyi tövsiyə edir. Bu, artıq sağlamlıq problemləri olanlar üçün xüsusilə vacibdir.

Mosli qara çörək əvəzinə şəkər xəstələrinə quinoa, bulqur, çovdar, arpa, qəhvəyi düyü və qarabaşaq yarması kimi tam taxılları, həmçinin paxlalı bitkiləri axtarmağı məsləhət görür. Bu qidalar qan şəkərinin səviyyəsini sabitləşdirməyə və bağırsaq mikroflorasının vəziyyətini yaxşılaşdırmağa kömək edən kompleks karbohidratlar və liflə zəngindir.

Bundan əlavə, diabet xəstələrinə şirniyyat, meyvə şirələri və qazlı içkilərin istehlakını minimuma endirmək tövsiyə olunur, çünki bu, qlükoza həddindən artıq dalğalanmalara səbəb ola və metabolik sağlamlığı poza bilər.