60 yaşdan sonra bu qidalardan uzaq durun - Həkim məsləhəti

60 yaşdan sonra sağlam qidalanma vərdişlərinə diqqət etmək çox vacibdir. Mütəxəssislər bu yaş qrupundakı şəxslərin mütləq istifadə etməməli olduqları qidalar arasında emal olunmuş məhsulları birinci yerdə qeyd edirlər.

Emal olunmuş qidalar, adətən, yüksək miqdarda duz, şəkər və əlavələr ehtiva edir. Bu komponentlər sağlamlığa mənfi təsir göstərərək piylənmə, ürək xəstəlikləri və şəkərli diabet riskini artırır.

Qidaların qorunması, dadının artırılması və ya daha uzun müddət saxlanıla bilməsi üçün həyata keçirilən emal prosesi yaşlılar üçün xüsusilə təhlükəlidir. Bunun isə bir çox səbəbi var.

Yüksək duz tərkibi: Emal olunmuş qidalar adətən yüksək miqdarda duz ehtiva edir. Bu, yaşlı şəxslərdə yüksək təzyiqə və ürək xəstəliklərinə səbəb ola bilər. Bundan əlavə, yaşlıların böyrəkləri bu cür yüksək duz yükləmələrini qəbul etməkdə çətinlik çəkə bilər.

Aşağı qida dəyəri: Emal olunmuş qidaların qida dəyəri adətən vitamin, mineral və lif baxımından zəngin olan qidalarla müqayisədə daha aşağıdır. Bu isə yaşlı şəxslərin kifayət qədər qida qəbul etməklə bağlı çətinlik çəkməsinə, immun sistemlərinin zəifləməsinə və xəstəliklərə qarşı daha həssas olmasına səbəb ola bilər.

Yüksək şəkər miqdarı: Emal olunmuş qidalar şəkərlə zəngindir. Yüksək şəkər qəbul etmək yaşlı şəxslərdə insulinə qarşı müqaviməti artıraraq tip 2 diabet riskini yüksəldə bilər. Diabet, yaşlıların sağlamlığına mənfi təsir göstərən bir çox fəsadlara yol aça bilər.

Yüksək doymuş yağ tərkibi: Emal olunmuş qidalarda olan doymuş yağ miqdarı ürək xəstəlikləri və digər ürək-damar problemləri riskini artırır. Yaşlı şəxslərin ürək sağlamlığını qorumaq üçün doymuş yağ qəbulunu məhdudlaşdırmaları vacibdir.