Samsung Galaxy S25 Slim'in Gecikəcəyi Ehtimalı

2025-ci ilin qapıda olduğu bu günlərdə, Samsung-un səbirsizliklə gözlənilən yeni telefonlarının təqdimatına sayılı günlər qalıb. Galaxy S25 seriyasının rəsmi təqdimatı ilin ilk Galaxy Unpacked tədbirində, yanvarın 22-də baş tutacaq. Lakin, görünür ki, Galaxy S25 Slim bu modellər arasında olmayacaq. İddialara görə, incə dizaynlı cihaz daha sonra satışa çıxarılacaq.

Samsung Galaxy S25 Slim'in satışa çıxarılması hələ də müəmmalı olaraq qalır. Şirkət Galaxy Unpacked tədbirində üç əsas modeli təqdim edərkən, ultra incə cihazını daha sonra satışa çıxaracaq. Görünür ki, S25 Slim'in işıq üzü görməsi daha uzun müddət alacaq. Yeni smartfonun model nömrəsi SM-S937 olacaq.

Android Authority, One UI 7-nin son beta versiyasında gələcək modellər haqqında daha ətraflı məlumat axtararkən, S25 seriyasının Slim versiyasına rast gəlmədiyini bildirib. Samsung-dan One UI 7 betasını sınamaq istəyənlər üçün pis xəbər! Məlum olub ki, Samsung Galaxy S23 seriyası kimi köhnə cihazlar üçün One UI 7 beta yeniləməsini yayımlamayacaq.

Beta versiyasında SM-S931 (Galaxy S25), SM-S936 (Galaxy S25+) və SM-S938 (Galaxy S25 Ultra) modelləri aşkar olunub, amma S25 Slim olacaq SM-S937 modeli betada görünməyib. Bu da, əgər sadəcə bir şayiə deyilsə, Samsung-un yeni cihazını göstərməkdə bir az daha çox vaxt alacağını düşünməyə əsas verir. Bir müddətdir ki, Galaxy S25 Slim-in yanvar ayında Galaxy Unpacked tədbirində Samsung tərəfindən təqdim ediləcək ailənin dördüncü üzvü olacağı düşünülürdü. Amma təəssüf ki, bu gözləntilər puç oldu.