Samsung-dan Cüzdanı Yandırmıyan Yeni Planşetlər

Samsung, büdcəyə uyğun qiymətlərlə yeni planşetləri ilə bazara bomba atır! Sızdırılmış məlumatlara görə, Galaxy Tab A11 və Galaxy Tab A11+ modelləri əsas xüsusiyyətlərdən əl çəkmədən, cibinizə yumşaq gələcək. Ən diqqət çəkən xüsusiyyət isə 7 il ərzində proqram təminatı yenilənmələrinin təmin olunmasıdır. Bu, hətta bəzi bayraqdar modellərin də ötkəzə bilmədiyi bir üstünlükdür!

Modellər arasında ekran ölçüsü ilə fərq var: Tab A11 8.7 düymlük (1340x800 piksel), Tab A11+ isə daha böyük, 11 düymlük (1920x1200 piksel) ekranla gəlir. Hər iki model 90 Hz yeniləmə tezliyinə sahibdir ki, bu da giriş səviyyəli planşetlər üçün nadir bir xüsusiyyətdir və istifadəçi təcrübəsini əhəmiyyətli dərəcədə artırır. İşlənmə baxımından isə fərqli prosessorlardan istifadə olunub: Tab A11 MediaTek Helio G99 prosessoru (4GB və ya 8GB RAM, 128GB-dək yaddaş), Tab A11+ isə daha müasir 4nm MediaTek MT8167 prosessoru (6GB və ya 8GB RAM, 256GB-dək yaddaş) ilə təchiz olunub. Hər iki modelə 2TB-dək microSD kart dəstəyi də əlavə olunub.

Səs keyfiyyəti də fərqlidir: Tab A11 iki dinamik, Tab A11+ isə daha zəngin səs təmin edən dörd dinamik ilə təchiz edilib. Kamera xüsusiyyətləri orta səviyyədədir: hər iki model 8MP arxa və 5MP ön kameralarla təchiz olunub. Batareya tutumu da fərqlidir: Tab A11 5100mAh (15W sürətli şarj), Tab A11+ isə 7040mAh (25W sürətli şarj) batareyaya malikdir. Yəni, uzun müddət istifadə üçün idealdır!

Ümumiyyətlə, Samsung bu planşetlər ilə "keyfiyyətli, əlçatan texnologiya" konsepsiyasını təcəssüm etdirir. Yeddi illik proqram təminatı dəstəyi isə bu təklifi daha da cəlbedici edir. Sizcə, bu planşetlər necədir?