Riot Games Qaydaları Pozan Yaradıcılara Bağışlamaz!

Riot Games, qaydaları pozan kontent yaradıcılarına münasibətini dəyişdirdiyini elan etdi. Şirkətin verdiyi məlumata görə, artıq Riot oyununu aktiv şəkildə oynayarkən qayda pozuntusu baş verməsə belə, cəzalandırma tətbiq oluna bilər. Dünyadakı strimlərlərdə sərt təsir göstərəcək bu qərar çox tezliklə qüvvəyə minəcək. Artıq Riot oyununu oynayan yaradıcılar iki dəfə düşünməli olacaqlar.

Riot Games yeni qaydanı 3 yanvar 2025-ci ildən tətbiq edəcək. Hətta League of Legends matçı zamanı deyil, söyüş və ya təhqiredici ifadələr işlədən yaradıcılar banlanacaqlar. Riot Games-in məqsədi oyunlarda toksikliyi aradan qaldırmaq və oyunçular üçün təhlükəsiz mühit yaratmaqdır. Yenilənmiş Xidmət Şərtləri səhifəsində şirkət oyunçuların banlanması və ya Riot hesabına girişin məhdudlaşdırılması ehtimalını vurğulayır.

Riot-un bu barədə bəyanatı belədir: "Əgər oyunlarımızı strim edərkən və ya oyunlarımız haqqında kontent yaradarkən Xidmət Şərtlərimizi pozan hərəkətlər edərsinizsə, Riot hesablarınıza girişi məhdudlaşdıra bilərik. Əgər tərəfdaş proqramımızın üzvüsünüzsə, tərəfdaş imtiyazlarınızı dayandıra bilərik.” Riot Games, şərtləri pozan yaradıcıları izləmək və cəzalandırmaq hüququnun özündə olduğunu bildirib. Məsələn, bir strimer fonunda Riot oyunu oynanarkən strim zamanı təhqiredici ifadələr işlətməsinə görə cəzalandırıla bilər.

Samsung Galaxy S25 və S25 Plus modellərinin ehtiyat hissələri, satışa çıxarılacaq rəngləri üzə çıxardı. Təfərrüatlar...