OPPO Reno 13 Seriyası Hansı Prosessorla İşləyəcək?

OPPO-nun Reno 13 seriyası artıq aylardır gözlənilir və nəhayət, gözləmənin sonu yaxındır. Çin istehsalçısı noyabrın 25-də yeni smartfonlarını təqdim etməyə hazırlaşır. Təqdimata qədər olan reklam çarxlarında istifadəçiləri nələr gözlədiyinə dair məlumatlar verilir. Son açıqlamada isə OPPO seriyada istifadə ediləcək prosessoru açıqlayıb.

OPPO Reno 13 seriyası MediaTek Dimensity 8350 prosessoru ilə işləyəcək. Bu yeni çipin dəqiq texniki xüsusiyyətləri hələ açıqlanmasa da, sənaye mənbələri onun MediaTek Dimensity 8000 ilə eyni CPU və GPU-ya sahib olacağını, lakin bəzi yeniliklərlə təkmilləşdiriləcəyini bildirir. Şirkətin verdiyi məlumata görə, bu prosessorlu smartfonlar əvvəlki modellərə nisbətən 1,5 dəfə daha sürətli işləyəcək və 8 saata qədər oyun oynamaq mümkün olacaq, həddindən artıq isinmə olmayacaq.

Reno 13 və Reno 13 Pro modellərində 1,5K yüksək parlaqlıqlı, göz qorumalı ekranlar olacaq (Reno 13 - 6.59 düym, Reno 13 Pro - 6.83 düym). Müxtəlif yaddaş variantları təklif olunacaq: 12GB+256GB, 12GB+512GB, 16GB+256GB, 16GB+512GB və hətta 16GB+1TB. Batareya tutumu isə sızan məlumatlara görə Reno 13 üçün 5600mAh, Reno 13 Pro üçün isə 5900mAh olacaq. Hər iki model ColorOS 15 (Android 15 əsasında) əməliyyat sistemi ilə işləyəcək və 5 il ərzində yüksək batareya etibarlılığı təmin edəcək.