OPPO Find X8 Mini Yolda

Çində radio sertifikasiya platformasının bazasında PKH120 kodlu OPPO telefon aşkar edilib. Modellərin birində peyklə əlaqə imkanı olsa da, PKH110 (OPPO Find X8 Mini) modelində bu xüsusiyyət yoxdur. İndi isə PKH120/PKH110 modeli UFSC şarj platformasının bazasında görünərək cihazın şarj tutumu məlum olub.

Əvvəlcə bu modelin OPPO Find X8 Ultra, hətta OPPO Find N5 olduğu barədə şayiələr yayılmışdı. Ancaq indiki ehtimala görə, bu cihaz OPPO Find X8 Mini olacaq. Əldə edilən məlumata görə, OPPO-nun yeni modelinin batareya tutumu 5475 mAh olacaq. Weibo-da yayımlanan bir yazıda Digital Chat Station bu batareyanın tipik dəyərinin 5600 mAh olduğunu iddia edib. Təəssüf ki, cihazın adı hələ də açıqlanmayıb. Lakin bunun Find seriyasından, 6000 mAh batareya ilə çıxması gözlənən Find X8 Ultra deyil, bir model olduğu iddia olunur.

OPPO Find N3 artıq 4805 mAh batareya ilə rəsmi olaraq təqdim olunduğundan, onun varisi 2025-ci ildə daha böyük tutuma sahib olacağı gözlənilir. Əvvəllər mənbələr qatlanan cihazın 2460 mAh + 3105 mAh ikili batareyaya sahib olacağını, ümumi nominal tutumunun 5565 mAh, tipik tutumunun isə 5700 mAh olacağını bildirmişdilər. 5600 mAh batareya Mini cihaz üçün daha uyğun ola bilər. Məsələn, Vivo X200 Pro Mini 6.31 düymlük ekran, Dimensity 9400 prosessoru və 5700 mAh batareya ilə satışa çıxarılıb.

PHK110/PHK120 kodlu modelin həqiqətən OPPO Find X8 Mini olmasını demək hələ tezdir. Lakin hazırda bütün əlamətlər yeni “Mini” modelə işarə edir.