Huawei Mate XTs: Üçqat Qatlanan Ekranlı İnqilab

Huawei, smartfon bazarında yenidən standartları qaldırdı. Üçqat qatlanan dizaynı ilə seçilən yeni bayraqdar modeli Huawei Mate XTs Ultimate Design rəsmi olaraq təqdim olundu. Qatlanan cihazlar seqmentinə təzə nəfəs gətirən bu model, çoxfunksiyalı imkanları və yüksək səviyyəli texnologiyaları ilə texnologiya həvəskarlarının diqqətini cəlb etməyə hazırdır.

Huawei Mate XTs Ultimate Design nələr təklif edir? İnnovativ üçqat qatlanan ekran dizaynı sayəsində, 10.2 düymlük geniş ekrana sahibdir. İstəyə görə istifadəçilər 7.9 düymlük və ya 6.4 düymlük ekran rejimindən istifadə edə bilərlər. Bu çevik dizayn smartfon və planşet təcrübəsini tək bir cihazda birləşdirir.

Telefon şık və müasir estetikaya malikdir, arxa tərəfində yüksək çözünürlüklü foto və video çəkiliş imkanı verən üçlü kamera sistemi ilə təchiz edilib. 5600 mAh batareya cihazı bütün gün enerji ilə təmin edir, 66W simli və 50W simsiz sürətli şarj dəstəyi isə enerjini tez bir zamanda bərpa etməyə imkan verir. Yeni model Huawei-nin HarmonyOS 5.1 əməliyyat sistemi və şirkətin 7nm texnologiyası ilə istehsal olunduğu güman edilən ən yeni prosessoru Kirin 9020 ilə təchiz edilib.

Təxminən 2500 dollar qiymətindən başlayaraq Çin bazarında satışa çıxarılan Huawei Mate XTs Ultimate Design, hazırda Azərbaycan bazarında satışa çıxarılmayıb.