Apple-dan Ekranlı Ağıllı Ev Asistenti 2025-ci ildə Gələ Bilər!

Son aylarda Apple proqram təminatına daha dərindən baxıldıqdan sonra şirkətin yeni bir ağıllı ev assistenti yaratdığı məlum oldu. Əvvəlki proqnozlara görə, bu məhsul ötən ay təqdim olunan yeni Mac kompüterləri ilə birlikdə keçirilən tədbirdə nümayiş etdirilməli idi. Lakin, analitik Ming-Çi Kuo-nun proqnozları məhsulun satışa çıxarılma tarixini açıqlayır.

Apple ekranlı ev assistenti 2025-ci ilin birinci rübündə təqdim oluna bilər. MacRumors komandası son aylar ərzində Apple proqram təminatına daha dərindən araşdırma aparmış və şirkətin "Home Accessory17.1" kod adlı cihaz üçün proqram təminatı hazırladığını aşkar etmişdir. İstifadəçilər bu cihazı ilk HomePod kimi səhv salmışdılar. Lakin, HomePodlar Apple ekosistemində "Audio Accessory" kimi qeydə alınmışdır. İstifadəçilərin diqqətini çəkən başqa bir detal isə kod adında istifadə olunan "17.1" detalıdır. Apple bu ili təqdim etdiyi iPhone 16 seriyasında "iPhone17.1" kimi "17.1"-i istifadə etmişdir. Analitiklər bu məsələ əsasında Apple-ın yeni bir ev assistenti hazırladığı və şirkətin ev assistentinə iPhone 16 seriyasında istifadə olunan Apple A18 prosessorunu quracağı nəticəsinə gəliblər.

Apple məhsulları haqqında dəqiq proqnozları ilə tanınan analitik Ming-Çi Kuo, şirkətin mart ayında təqdim olunması gözlənən iPhone SE 4 ilə birlikdə yeni Apple ev assistentini təqdim edə biləcəyini söyləyir. Ming-Çi Kuo-nun sözlərinə görə, yeni ağıllı ev assistenti HomePod-a bənzəyəcək, lakin 6 və ya 7 düymlük ekrana sahib olacaq. Əvvəlki bəzi sızmalar və proqnozlara görə, Apple bu cihazı yeni Mac kompüterləri ilə birgə tədbirdə təqdim etməli idi, ancaq şirkətin Apple ev assistenti üçün əməliyyat sistemini hazırlamaqda müvəffəqiyyət əldə edə bilmədiyi deyilir.

Ming-Çi Kuo, şirkətin 2026-cı ildə yeni nəsil ev assistenti və ağıllı ev kamerası təqdim edə biləcəyini söyləyir. Analitik, Apple-ın 2025-ci ilin ikinci yarısında təxminən 500.000 ekranlı ağıllı ev assistenti istehsal edib satmasını gözləyir. Apple ev assistenti A18 prosessorunu özündə ehtiva edəcəyindən, Apple Intelligence dəstəyinin olacağı məlumdur. Kamera, ev assistenti kimi HomeKit vasitəsilə Apple ekosisteminə səlis inteqrasiya edilməsi gözlənilir.