Yusuf Dikeçə Yaponiyadan maraqlı ləqəb

2024-cü ildə Paris Olimpiya Oyunlarında 10 metr havalı tapança qarışıq komanda yarışında gümüş medal qazanan Yusuf Dikeç yay boyu bütün dünyada diqqət mərkəzinə çevrildi.

Yaponiyanın "Nikkan Sports News" qəzetindən İçiro Sasaki, Yusuf Dikeç haqqında maraqlı fikirlərini bölüşdü. Atəş açarkən cibində əli ilə, son dərəcə sakit bir şəkildə yarışan Dikeçin digər idmançılardan fərqli olaraq qulaq qoruyucusu və ya xüsusi linzadan istifadə etməməsi bütün dünyanı heyran etdi.

Yaponiyalıların Yusuf Dikeçi bu qədər bəyənməsini izah edən Sasaki bildirdi ki, "O çox sərindir, çünki minimal avadanlıqla medal qazandı. Digər idmançılar çox bahalı avadanlıqlardan istifadə edirdilər. Onlayn oyunlar Yaponiyada çox populyardır və pul xərcləmək oyunda üstünlük qazandırır. Pul xərcləmədən qalib gəlmək çətindir. Bu baxımdan pul xərcləmədən uğur qazananlara böyük hörmət var. Biz ona "MUKAKIN-OJİSAN" deyiriik. "MUKAKIN-OJİSAN" oyunda çox pul xərcləməyən yaşlı kişi deməkdir".