Suriyanın Şimalində Əhəmiyyətli Qələbə

Suriya Milli Ordusunun (SMO) “Azadlıq Səhəri” əməliyyatı çərçivəsində Tel-Rıfat bölgəsindəki uğurlu irəliləyişi davam edir. PKK/YPG terrorçuları ilə şiddətli döyüşlər nəticəsində SMO əhəmiyyətli əraziləri azad etmişdir.

Əməliyyat nəticəsində Tel-Rıfatın bir neçə kəndi, o cümlədən strateji əhəmiyyətli hava limanları və yüksəkliklər SMO-nun nəzarətinə keçmişdir. Bu uğurlar nəticəsində 24 kənd terrorçulardan təmizlənmişdir.

Haləbin cənub-şərqində yerləşən Səfirə rayonunun da Əsəd rejimindən geri alınması barədə məlumatlar yayılmışdır. Bu, SMO-nun qələbəsini daha da möhkəmləndirir.

27 noyabrda Haləbə qarşı başlayan əməliyyatdan sonra Əsəd rejimi, PKK/YPG terror təşkilatı ilə əlbir olaraq bəzi əraziləri onlara təslim etmişdi. Fırat çayının şərqindən Haləbə gətirilən əlavə qüvvələrlə terrorçular mövqelərini möhkəmləndirməyə çalışırdılar.

Ancaq SMO “Azadlıq Səhəri” əməliyyatı ilə Tel-Rıfatı mühasirəyə almış və nəhayət, şəhəri terrorçulardan azad etmişdir. Bu qələbə, Tel-Rıfat və Münbiç arasında terror dəhlizinin yaradılmasının qarşısını almaq üçün əhəmiyyətli addım sayılır.

Qeyd edək ki, PKK/YPG terror təşkilatı Rusiyanın dəstəyi ilə 2016-cı ilin fevralında Tel-Rıfatı ələ keçirmiş və təxminən 250 min insanın qaçqın düşməsinə səbəb olmuşdur. Terrorçular buradan Türkiyə sərhədinə yaxın yerləşən ərazilərə hücumlar təşkil edirdilər.