Haytidə Yolçu Təyyarəsinə Atəş Açıldı

Amerika Birləşmiş Ştatlarından Haytinin paytaxtı Port-o-Prince'ə yolçu daşıyan Spirit Airlines təyyarəsi eniş zamanı silahlı dəstə üzvləri tərəfindən atəşə tutulub.

Miami Herald-ın xəbərinə görə, kurşunlara hədəf olan 951 nömrəli Spirit Airlines təyyarəsi Dominikan Respublikasının Santiago Hava Limanına təhlükəsiz şəkildə enib. Spirit Airlines sözçüsü açıqlamasında, Santiago Hava Limanına enən təyyarənin ilkin araşdırmalar nəticəsində kurşunlardan yaranan kiçik zərərlər səbəbindən xidmətdən çıxarıldığını, hadisədə yalnız bir uçuş heyəti üzvünün yüngül yaralandığını bildirib.

"İkinci bir əmrə qədər xidmətimizi dayandırdıq." deyən sözcü, Dominikan Respublikasına enən sərnişinlərin yeni bir təyyarə ilə Fort-Loderdeyl-Hollywood Beynəlxalq Hava Limanına geri aparıldığını söyləyib. Hadisədən sonra Haytinin paytaxtı Toussaint Louverture Beynəlxalq Hava Limanında bütün ticari uçuşlar dayandırılıb. ABŞ-dakı bütün aviaşirkətlər də Haytinin paytaxtı Port-o-Prince'ə uçuşları dayandırdı.

Birləşmiş Millətlər Təşkilatının (BMT) Hayti Üçün İnteqrasiya Ofisinin məlumatına görə, 2024-cü ilin əvvəlindən bəri, son 6 ayda 1374 nəfər olmaqla 3900 nəfər silahlı dəstələrin hücumları nəticəsində həlak olub. Uzun illərdir siyasi, iqtisadi və təhlükəsizlik böhranı kimi əsas problemlərlə boğuşan Hayti, 11 milyondan çox əhalisi ilə aclıq təhlükəsi ilə üzləşir. Paytaxt Port-o-Prince'nin 80%-ni silahlı dəstələrin nəzarətdə saxladığı ölkədə zorakılıq hadisələri hər gün artır.