Əsədin Moskvaya Qaçması Barədə Şayiələr Yalan Çıxdı

İranın Xarici İşlər naziri Abbas Ərəqçi, Suriyadakı Əsəd rejiminə dəstək məqsədilə Şama səfər etdi. Görüşdə İranın Suriyanın xalqına və ordusuna verdiyi dəstək bir daha vurğulandı.

Suriyada Əsəd rejiminə qarşı müxalif qüvvələrin hücumları artdığı bir vaxtda, Bəşər Əsədin tələsik olaraq Moskva şəhərinə qaçdığı iddia edildi. Lakin sonradan Əsədin Şamda olduğu məlum oldu.

İran Xarici İşlər naziri Abbas Ərəqçi rəsmi görüşlər üçün Suriyanın paytaxtı Şama səfər etdi. Ərəqçi Suriyanın prezidenti Bəşər Əsədlə görüşdü. Görüşdə İranın Suriyanın xalqına və ordusuna terrorla mübarizədə, regional təhlükəsizliyin və sabitliyin qorunmasında tam dəstək verdiyini bildirən Ərəqçi, Suriyadakı hadisələri ABŞ-ın bölgəni xaosa sürükləmək planının bir hissəsi olduğunu qeyd etdi və "Keçmişdə olduğu kimi, bu dəfə də Suriyada qalib tərəf Suriyya olacaq" dedi.

Suriya ordusuna və dövlətinə dəstəyin İranın strateji siyasəti olduğunu bildirən Ərəqçi, bu dəstəyin davam edəcəyini vurğuladı. O, bu strateji yanaşmanı bölgədə davamlı sabitlik və təhlükəsizliyin təmin edilməsi və bütün regional ölkələrin təhlükəsizliyinin dəstəklənməsi məqsədi daşıyan bir addım kimi dəyərləndirdi. Əsəd isə İranın dəstəyinə görə təşəkkürünü bildirərək, Ərəqçi tərəfindən bu həssas dövrdə edilən Suriyaya səfərinin son dərəcə əhəmiyyətli olduğunu qeyd etdi.

Hadisələr necə baş verdi?

Suriyanın şimalındakı Hələb şəhərinin qərb kənarlarında 27 noyabrda Əsəd rejimi qüvvələri ilə rejim əleyhinə silahlı qruplar arasında toqquşma başlamışdı. 27-28 noyabr tarixlərində Hələbin qərb kənarlarından mərkəzə doğru sürətlə irəliləyən rejim əleyhinə silahlı qruplar, toqquşmaların ikinci günündən etibarən İdlib ətrafındakı bir çox ərazini ələ keçirmişdi. 29 noyabrda Hələb şəhər mərkəzinə daxil olan silahlı qruplar bu gün şəhər mərkəzinin böyük hissəsini ələ keçirdilər.